The Legend ဆိုတာဟာ ၂၀၀၇ ခုနှစ်က တောင်ကိုရီးယားသမိုင်းတစ်ခုကို
ပြန်လည်အသက်သွင်းရိုက်ကူးထားပြီး မြန်မာနိုင်ငံရဲ့ MRTV ချန်နယ်မှာ
“မြင့်မြတ်သူတို့နှလုံးသား” နာမည်နဲ့ ပြသသွားခဲ့တဲ့
သဘာဝလွန်နန်းတွင်းကားလေးတစ်ကားဖြစ်ပါတယ်
ဟိုတုန်းက အားလုံးရဲ့ အသည်းစွဲမင်းသားကြီး (ရှင်ဒေါင်ဟန့်လို့လည်းသိကြတဲ့)
ဘေယောင်ဂျွန်း နဲ့ The Penthouse ဇာတ်ကားထဲမှ
မင်းသမီး Lee Ji Ah, Moon So Ri တို့ ပါဝင်သရုပ်ဆောင်ထားကြပါတယ်
ဇာတ်လမ်းလေးကို ကြည့်ဖူးသူတွေ ပြန်အမှတ်ရပြီး မကြည့်ဖူးသူတွေ
သိရှိသွားအောင် ဇာတ်လမ်းအစလေး နည်းနည်းပေးမြည်းပါမယ်
ဟိုးရှေးရှေးတုန်းက မီးစွမ်းအင်တွေကို ခေါင်းဆောင်အစဉ်အဆက်
လက်ဆင့်ကမ်းလာတဲ့ ကျားမျိုးနွယ်စုဟာ လက်ရှိခေါင်းဆောင်
ကာဂျင်းရဲ့ ဦးဆောင်မှုနဲ့ လောကကြီးကိုအုပ်စိုးနေပါတယ်
သူတို့ဟာ မရှင်းထုတ်နိုင်သေးတဲ့ ဝက်ဝံမျိုးနွယ်စုကလွဲပြီး
ကျန်တဲ့မျိုးနွယ်စုတွေကိုရှင်းပစ်ထားပါတယ်
ကောင်းကင်ဘုံဘုရင်ရဲ့သားတော် ဟွမ်ဝွန်းဟာ လူ့ပြည်မှာ ပြည်သူတွေ
အေးအေးချမ်းချမ်းနေရဖို့အတွက် ဂျူရှင်းနယ်မြေကို တည်ထောင်ခဲ့ပါတယ်
သူနှင့်အတူ ခေါ်ဆောင်လာတဲ့ နတ်သုံးပါးကို အရှေ့ဖက်အရပ်ကို
တိမ်နတ်မင်း နဂါးပြာ, အနောက်ဖက်အရပ်ကို လေနတ်မင်း ကျားဖြူ,
မြောက်ဖက်အရပ်ကို မိုးနတ်မင်း လိပ်မြွေ အသီးသီးစေလွှတ်ပြီး ဂျူရှင်းနယ်မြေကို စောင့်ရှောက်စေခဲ့ပါတယ်
သူတို့ရဲ့အေးချမ်းတဲ့ဂျူရှင်းနယ်လေးအထိ ကျားမျိုးနွယ်စုတွေ
လာရောက်ကျူးကျော်တိုက်ခိုက်လာတဲ့အခါမှာတော့
ကာဂျင်းရဲ့မီးစွမ်းအင်ကို မီးငှက်နှလုံးသားထဲသိမ်းယူထားပြီး ကြင်နာသနားတတ်တဲ့
ဝက်ဝံမျိုးနွယ်စုရဲ့ အမျိုးသမီးစစ်သည်ကို မီးငှက်စွမ်းအင်ကို
ပေးခဲ့ပြီး တောင်ဖက်အရပ်ကို စောင့်ရှောက်စေခဲ့ပါတယ်
အဖြစ်အပျက်များစွာဖြစ်ပျက်ပြီးနောက် ဟွမ်ဝန်းဟာ
နောင်နှစ်ပေါင်း ၂၀၀၀ မှာ ဂျူရှင်းပြည်ရဲ့ဘုရင်အသစ်
မွေးဖွားလာမယ်ဟုနိမိတ်ဖတ်ပြီး ကောင်းကင်ဘုံသို့ပြန်သွားခဲ့ပါတယ်
ဂျူရှင်းဘုရင်ဟာ အရှေ့အနောက်တောင်မြောက်က
နတ်မင်းလေးပါး အကူအညီနဲ့ ဂျူရှင်းပြည်ကို
ပြန်လည်တည်ထောင်နိုင်မလားဆိုတာ ကြည့်ရှုရမယ့်ဇာတ်ကားကောင်းလေးပါ
သူ့ခေတ်နဲ့သူအချိန် အဆင့်မှီမှီရိုက်ကူးထားတဲ့
ဒီဇာတ်ကားလေးဟာ IMDb 8.1 နဲ့ရပ်တည်ခဲ့ပါတယ်
ဒီဇာတ်လမ်းကိုနှစ်သက်တဲ့သူတွေ ဘယ်လောက်မှတ်မိကြလဲ
Leave a Reply