The Business of Drugs

Synopsis of The Business of Drugs

The Business of Drugs (2020)
============================

ဒီတစ်ခါတော့ ပုံမှန် Serie တွေလိုမဟုတ်ပဲ မူးယစ်ဆေးဝါးတွေထုတ်လုပ်ပုံကအစ ရောင်းဝယ်ဖောက်ကားတဲ့နေရာအထိ အသေးစိပ်တင်ပြထားတဲ့ Documentary Show လေးတစ်ခုနဲ့ မိတ်ဆက်ပေးပါရစေ။ မူးယစ်​ဆေးဝါး​တွေအ​ကြောင်းကို မူးယစ်​ဆေးဝါး​တွေနဲ့ လက်လှမ်းမှီကြတဲ့လူ​တွေ​လောက်ပဲသိကြတာများပါတယ်။ ဘယ်သူမှလဲ ပျင်းလို့ဆိုပြီး အဲ့ဒီအ​ကြောင်း​တွေ ရှာမဖတ်ကြ​လောက်ဘူးထင်ပါတယ်။

Netflix က ထုတ်တဲ့ The Business of Drugs က​တော့ မူးယစ်​ဆေးဝါး​တွေ အ​ကြောင်းကိုပဲ ရိုက်ပြထားတဲ့ Mini-Series ​​လေးဖြစ်ပါတယ်။ အပိုင်းအ​နေနဲ့က​တော့ ၆ ပိုင်းရှိပြီး​တော့ တစ်ပိုင်းကို မူးယစ်​ဆေးဝါးတစ်ခုအ​ကြောင်းကို ရိုက်ပြထားတာဖြစ်ပါတယ်။ ပုံမှန်ကြည့်​နေကျ မူးယစ်​ဆေးဝါးအတိုအစ​လေး​တွေပါတဲ့ ကားမျိုးမဟုတ်ပဲ တကယ့်​နေရာမှာ တကယ်​ရောင်းဝယ်​ဖောက်ကားတဲ့ လုပ်ငန်း​တွေထဲအထိကို ​ရိုက်ကူးထားတဲ့ကားဖြစ်ပါတယ်။ Documentary ဖြစ်တဲ့အတွက်​ကြောင့်​တော့ ဇာတ်လမ်းမရှိပဲ​နဲ့ Host တစ်​ယောက်က အဲ့ဒီ​နေရာ​တွေကိုသွားပြီး လူ​တွေကို ​မေးမြန်း ​ဆွေး​နွေးတဲ့ ပုံစံမျိုး​လေးပါပဲ။

Host အ​နေနဲ့က​တော့ Amaryllis Fox ဖြစ်ပါတယ်။ Amaryllis ဟာဆိုရင် အ​မေရိကန် စာ​​ရေးဆရာ အစီအစဥ်တင်ဆက်သူ ဖြစ်ပါတယ်။ ​နောက်ပြီး CIA မှာလဲ တာဝန်ထမ်း​ဆောင်ဖူးသူတစ်​ယောက်ပါ။ သူမရဲ့ အမျိုးသားကလဲ အ​မေရိကန်နိုင်ငံရဲ့ ၃၅ ​ယောက်​​မြောက် သမ္မတဖြစ်တဲ့ John F. Kennedy ရဲ့ မျိုးရိုးထဲကပဲဖြစ်ပါတယ်။

တစ်ပိုင်းနဲ့တစ်ပိုင်းအ​ကြောင်းအရာမတူတဲ့အတွက် ကြိုက်တဲ့အပိုင်းက​နေစကြည့်လို့ရပါတယ်။ ​​နောက်ပြီး ဒီမူးယစ်​ဆေးဝါး​တွေရဲ့ အစပြုရာ​နေရာက​နေ လူ​ငယ်တွေလက်ထဲကို ဘယ်လို​ရောက်လာတယ် ဆိုတာရယ်။ လူငယ်​တွေလက်ထဲ​ရောက်ဖို့ကို ဘယ်လိုလူ​တွေက ဘယ်လိုအခက်အခဲ​တွေ​ကြောင့် လုပ်ကိုင်​နေရတယ်။ မူးယစ်​ဆေးဝါးကို ဘယ်လို​ရောင်းဝယ်​ဖောက်ကားတယ်ဆိုတာ​တွေကို မျက်ဝါးထင်ထင်​တွေ့မြင်ရမဲ့အပြင်။ နိုင်ငံ​တွေရဲ့ ဒီပြသနာကိုမ​ဖြေရှင်းနိုင်ပဲ တစ်နှစ်တစ်နှစ်လူ​တွေ ​သေ​ဆုံး​နေရတဲ့အ​ကြောင်း​တွေကိုပါ မီး​မောင်းထိုးပြထားပါ​သေးတယ်။

Rating အ​နေနဲ့က​တော့ IMDb မှာ ၇.၃ အထိရှိတာ​​ကြောင့် မူးယစ်​ဆေးဝါးအ​ကြောင်းကို သိချင်လို့ပဲဖြစ်ဖြစ် ​က​လေးရှိတဲ့ မိဘ​တွေဆိုရင်လဲ က​လေး​တွေကို မူးယစ်​ဆေးမ​ကောင်းဘူးဆိုတာ​တွေကို​ပြောပြချင်လို့ပဲဖြစ်ဖြစ် ကြည့်ဖို့ညွှန်း​ပေးလိုက်ပါတယ်။ စိတ်ဝင်စားဖို့ကောင်းတဲ့ Show လေးတစ်ခုဖြစ်လို့ ဗဟုသုတ ရချင်သူတွေအနေနဲ့လည်း ကြည့်ရှုဖို့ တိုက်တွန်းလိုက်ပါတယ်။